Добредојдовте во Еурека!
Кои сме ние?
Еурека е танцово студио основано во 2001 година во Скопје, Северна Македонија, кое моментално работи на четири локации и се подготвува за понатамошно проширување. Еурека во моментов работи со повеќе од 400 деца и млади, поделени според возраста и нивото на подготвеност.
Во 2018 година, Еурека се прошири со основањето на невладината организација „Еурека Културен центар“, со што ја продолжи и зајакна својата социјална мисија.
Студиото вклучува деца на возраст од 4 години, млади, возрасни, како и зрели поединци кои сè уште имаат желба уметнички да се изразат, без разлика на нивното потекло и способности. Тие имаат можност да го изучуваат танцот како форма на уметност, каде што преку движењето се запознаваат себеси и ги поставуваат темелите за поширока културна имплементација во нашето општество.
Сепак, движењето е само основата на сè што семејството Еурека го развива и промовира. Работиме на градење здрави генерации кои ќе негуваат вистински животни вредности.
Нашата мисија е да ги обединиме децата, младите и возрасните од различни социјални групи, националности, култури и религии – поединци со различно потекло, способности и можности – преку универзалниот јазик на културата и уметноста.
Еурека ги постави темелите на инклузијата во танцот и преку тоа се обиде да одговори на долгогодишни прашања и да понуди нов вид инклузија. Не декларативна, не симболична, туку применлива и прифатлива.
Членовите на студиото имаат можност да се развиваат и да се докажуваат, но истовремено и да ја подигнат нашата заедница на повисоко ниво. Образованието и културата се наши главни цели, проследени со мотото „Еурека – Сон – Реалност“, на кое работиме и се развиваме континуирано.
Преку нашите програми и иницијативи, имаме за цел да ја подигнеме свеста за важноста на вклучувањето и да го истакнеме уникатниот потенцијал што тлее во секоја личност. Со поддршка на талентот и креативноста на поединците, обезбедуваме можности за уметнички раст, самоизразување и професионален развој.
Нашата организација служи како платформа за креативна размена и зајакнување, инспирирајќи позитивни промени и зацврстувајќи ги врските во заедницата преку уметноста на танцот.
Еурека танцово студио - многу повеќе од танц
Меѓународни активности
Еурека е амбасадор на нашата земја 24 години земјата со богата историја на меѓународни активности. Многубројните настапи и патувања во различни земји, учество на музички манифестации, фестивали и натпревари се само мал доказ за нашите залагања преку танцот да ги пренесеме културата и духот на Република Северна Македонија.
" Доколку сакате Вашето дете да добие многу повеќе од танц, тоа се луѓето на кои би им го довериле детето за да биде дел од приказната со која расте "
Зад себе има оставено преку 1900 награди на различни натпревари и настани, во различни категории и возрасни групи, но за нас, танцот е повеќе од бројки. Еурека е повеќе од студио—семејство е.
Во Еурека 8 години по ред редовно работи и функционира инклузивна танцова група која преку иновативни и креативни движења ги истражува можностите на лицата со ограничени способности. Еурека Сон - Реалност е мотото под кое се работи години назад. Низ танцот се даваат одговори на долгогодишни прашања и се нуди нов вид на инклузија.
Со членовите работат искусни кореографи, инструктори и педагози. Секој индивидуален чекор напред е чекор напред за сите нас. Се издвојува од останатите по единствениот начин на работа. Многу време се посветува на едукацијa и градење на личности пред се.
Еурека низ годините
Еурека во медиумите
ДОСЕГАШНИ СОРАБОТНИЦИ
